新田圍邨牆身爆完又爆
繼本報早前揭發沙田新田圍邨康圍樓外牆石屎剝落後，同一位置再被發現牆角爆裂，房屋署被指處事「踢一踢，郁一郁」！梁女士指上址早前曾進行工程，事後發現外牆有一大塊石屎剝落，經本報轉介後已獲修繕。然而，未幾即發現同一位置的牆角出現爆裂，「上次修補石屎嗰陣點解唔順便檢查埋有咩地方要維修？分明唔踢唔郁！」梁女士指外牆範圍相繼出現剝落及破損，擔心不已。
房署發言人表示，康圍樓地下舖位全屬領匯管理公司所擁有及管理，屋邨辦事處已就石屎爆裂未修一事知會領匯跟進。
「房署職員巡邨嗰陣如果早啲發覺，都可以快啲通知領匯修理，點解成日要人投訴先做嘢？」當區區議員程張迎狠批房署管理不善，未有妥善監察屋邨設施。