有錯就要認，亞視尋日發表聲明，撤回前日該台報道江澤民離世嘅消息。亞視「大義工」王征尋日話，佢自己睇新聞先知江澤民離世，又話希望呢個消息唔係真嘅。呢單新聞咁大單，而且亞視前晚一度將台徽標誌立即變「黑」，王征話唔知情實在令人議論紛紛。今次亞視要跪低道歉，為近期銳意變革造成一大污點，相信令唔少亞視新聞部嘅人滿腹牢騷。
