Greg蘇過去醜聞多多，上任之初就已爆出用卡片「撻朵」風波，試圖逼入境處職員免去佢提交在職證明嘅要求。估唔到網民對呢件事仲記憶猶新，有網民問：「參加有冇卡片派？」亦有網民揶揄話：「第一項係咪規管卡片業？」睇嚟呢單衰嘢可能跟足佢一世，不如考慮退出政壇，返去做律師好過啦！
講番呢個「時事Ｑ＆Ａ」答問環節，至今只係搞咗兩次，但過去只派出副局長試水溫，包括民政事務局副局長許曉暉及教育局副局長陳維安，今次終於輪到局長上陣，但點知主角係被視為次貨局長嘅Greg蘇。競爭法推出以來備受爭議，睇嚟網民嘅提問都唔係咁易應付，唔知Greg蘇會否被網民插到遍體鱗傷呢？