【本報訊】互聯網聲討立法會替補機制惡法源源不絕，由於不少巿民對替補機制的荒謬性並不甚了解，也不知道所謂改良方案的漏洞，不少網民以日常例子比喻。網民「扮靚小姐」指出：「蝦餃就係蝦餃（同名單替補），燒賣就係燒賣（敗者替補），依家講緊嘅係蝦餃加燒賣！」反駁有人稱兩個方案本質上並無分別之說，強調改良方案同樣會出現敗者替補的違反選民意願情況。
她又不滿政制及內地事務局局長林瑞麟不斷重提公投投票率低已反映民意，「他所講嘅沒有公投等於支持政府的人，算我其中一個！當日公投我是沒投票的，唔通我就係支持林瑞麟？他是老幾？他怎能代我說支持？」
其他網民亦引伸其觀點，網民「ruspc」稱「根據林公公（林瑞麟）定律，由於七一有一千人參加嘉年華，香港有六百九十九萬九千人反對政府搞慶回歸活動」。網民「higaroz」更稱，當日林瑞麟自己說「容許同一名單下一名候選人替補，並不能反映選民的意願」，就如同說「蝦餃是酸的，一定係變壞咗」，但今日卻突然提出改良方案，更說是公平公正公開，就好比反口解釋「隻蝦餃酸嘅係因為加咗活性酸菌」，盡顯政府的荒謬。
網民「小羽」批評「沒有問過巿民就通過，強迫巿民接受，製造社會矛盾，對港人公平合理嗎？」網民「KimR」亦不滿稱：「依家將選舉都取消埋，咁會唔會比取消選舉權更離譜呢？去避免人哋濫用係好事，不過點解唔直接懲罰辭職嘅人，而要用一個全民陪葬嘅方式呢？」