食物及衞生局局長周一嶽一刀切限制內地孕婦來港分娩，令到中港家庭孕婦（丈夫為港人嘅內地孕婦）無辜受影響。平等機會委員會主席林煥光對此都睇唔過眼話，雖然呢項措施喺法律上並無構成歧視，但從平等機會角度嚟睇，中港家庭嘅子女最終會成為香港一分子，所以當局必須優先提供分娩配額予佢哋。林煥光咁講，即係批評有關措施雖然合法，但就唔合情理囉！
