領匯縱容外判驅逐商販
在大幅加租以外，領匯續租爭拗亦無日無之！秀茂坪街市近日有租戶在事前全無預警下無故被拒續租，多次約見外判承辦商仍不得要領，最終更被限時離場，四年心血瞬間化為烏有。關注團體與立法會議員均直指領匯外判街市後未就事件作適當介入，有無視企業責任之嫌，令小租戶損失慘重。
一心在生意上大展拳腳的陳先生，四年前以五十多萬元頂手費頂下秀茂坪街市三個相連舖位經營糧油雜貨舖。經多年努力才擁有一批穩定熟客，生意漸上軌道之際，今年五月卻接獲承辦商發出的律師信，指租約將於七月七日屆滿，要求陳適時遷出，「我一接到信就約管理公司傾，點知佢哋一直都唔見我，到前幾日終於約到，但係就只係好決絕咁同我講冇得續約！」
話收就收毫無保障
陳曾要求於同一街市內繼續經營，甚至繳付更多租金保留原址經營，惜被一一拒絕，「已經唔係加唔加租嘅問題，而係佢哋根本唔畀我繼續做！」陳坦言即使小小一間雜貨店，卻牽涉二十人生計，「我哋唔係要賺大錢，只係想三餐無憂，依家我哋同啲夥計都唔知點算，租領匯場根本冇保障，話收（舖）就收（舖）。」陳指場內仍有多個檔位有相同遭遇，所有檔主幾經力爭不果，已打算黯然離場。
秀茂坪街市雖為領匯旗下物業，但領匯卻拒絕評論事件。街市單一承辦商發言人則稱，月前曾透過律師樓向個別租戶發信，要求租戶約滿後準時遷出。發言人稱，六月中曾與陳先生會面，並於友好氣氛下達成遷出共識，且將遷出限期延至七月十五日，供陳先生額外時間清貨。對於拒絕與陳商談續租事宜的因由，發言人則未回應。
「租領匯個場真係好冇保障，幾時要收舖都係佢（領匯）話事，冇人可以阻止到。」領匯監察主席陳寶瑩指同類事件非常普遍，不滿領匯將街市外判管理後即不聞不問，無視小商戶投放的資源及心血。
疑大連鎖店「鎖定」
立法會議員陳淑莊認為，租戶被迫遷事件，叫人質疑與舖位遭大連鎖店「鎖定」有關，令舖位變得非收不可，「引入連鎖店又可以為加租鋪路，真係好難唔叫人懷疑！」陳又狠斥領匯未有介入事件，任由承辦商獨斷獨行。「領匯作為大業主，好應該諗辦法喺街市入面搵番另一個舖畀人，或者同區安置，等租戶可以減低損失！」
記者 林永發