八達通增值職員涉出錯
市民在港鐵站為八達通增值後，須仔細核實增值金額，以作保障。岑先生早前於上水站為八達通增值後，險因大意而蒙受損失，「我同職員講入一百蚊，但佢就入咗五十，好在我有睇清楚，唔係就無端端冇咗五十蚊！」
港鐵發言人承認職員於事件上有可改善地方，但強調職員已根據既定程序，經電子螢幕向乘客核實增值金額及提供收據。發言人又稱，已提醒職員細心處理個案，避免同類事件再次發生。
「同乘客對數呢啲係好基本嘅事，職員好應該主動同乘客講入咗幾多錢，而唔係淨係叫佢哋睇螢幕。」民間監管公共事業聯委會發言人蔡耀昌認為，事件凸顯出港鐵培訓不足，促港鐵加強培訓職員，改善服務質素。