立法會工商事務委員會尋日討論港府各駐外同駐內地辦事處嘅工作，自由黨方剛率先發炮，批評各駐內辦對內地港商提供嘅協助唔到位。人民力量陳偉業之後再踩多腳，狠批不在現場嘅林D9，不但搞政制出賣港人，對於喺內地被拘留嘅港人亦係闊佬懶理，唔敢直接向內地部門跟進查詢，卑躬屈膝，自貶身價，完全唔係從港人角度出發。
林D9被議員鬧爆之餘，日前發稿質疑立法會替補機制違反《基本法》嘅香港大律師公會，尋日再發多一次聲明，指聽過政府連日來嘅解釋後，都發現唔到任何理性同合邏輯嘅理據，決定維持公會對替補機制嘅睇法，隔空暗批林D9非理性兼冇邏輯。咁樣被人鬧法，唔成日打乞嚏兼眼眉跳都難喇！