政治世界成日都似是而非，見怪不怪。最新一宗係市建局主席張震遠，事關早前有傳市建局就舊區復建居屋進行研究，之後仲覺得可以實行，但遭港府高層否決。
張震遠尋日就否認有做過有關復建居屋嘅研究，亦無收過政府指示，要以資助方式出售重建後嘅單位，強調市建局嘅角色並唔係幫市民置業喎。大家都知市建局同發展商合作拆樓及重建，當然唔係幫市民置業啦！
