「霸王車」長佔雞嶺咪錶位
新界地區車位供不應求，當局久未正視，令違泊問題愈見嚴重。上水居民張先生發現，近北區醫院的雞嶺政府公眾停車場經常有人佔用咪錶位泊「霸王車」，亦有大量車輛停泊路邊，令上址交通變得混亂，「幾乎日日都係咁，從來唔見警察抄牌！」
警方發言人表示，接獲投訴後已訓示前線人員加強巡查上址，並按「靈活執行交通法例政策」，對違例車輛採取適當的執法行動。
不過，北區區議會交通及運輸委員會主席劉國勳直言，違泊問題反映警方執法欠阻嚇性，「無論車位點唔夠都好，唔入錢泊咪錶位同埋違泊都係唔啱，警方應該喺適當時間執法！」劉又指違泊問題與該區車位嚴重不足有關，「政府呢幾年將北區啲地賣晒出去，只係劃啲臨時車場畀市民用，叫班市民泊去邊？」