兩位學者尋日喺電台節目《城市論壇》講到今日嘅港府有「三自五失」，簡直係高度概括咗特區政府嘅弊病。「夫子」劉銳紹話，曾蔭權政府有三自，包括係自廢武功、自取其辱、自毀長城，意思係復建居屋，應做唔做，要中央出聲才做，親手破壞一國兩制。而宋立功就話，曾蔭權政府有五失，失判、失序、失位、失職、失德，故距離跛腳鴨政府只差一步。就係因為有咁多問題，港府嘅民望屢創新低，且一沉不起。
