妻一巴掌摑醒爛賭夫
【本報訊】「如果冇戒到賭，老婆同個女都會冇咗，十年後可能會變得家徒四壁，變得好淒涼」。曾因錢得來太易並在朋友影響下，張耀棠沉迷賭博，碌爆三、四張信用卡、欠下五、六十萬元卡數。張指，太太當頭棒喝一句「你再去賭我就會走」，頓成他戒賭原動力。現已成功脫離賭海的張直言，「父親節可以一家人食餐飯已經好開心」。
本於德國任廚師的張耀棠，九五年回港接手家族的報紙檔生意後與行家一起賭馬，「馬同波全線咁賭，仲愈賭愈大」，最大曾投注廿萬，曾欠下五、六十萬元卡數。○九年太太發現後聲稱「你再去賭我幫唔到你，我會走」，當時女兒凱晴只得一歲大，太太更是首次掌摑他，心想「太太同個女走咗去第二度，個震撼力好大」，自此決心戒賭。