臭渠水長流領匯拖延處理
黃先生每日均會途經將軍澳翠林邨商場的行車道，今年五月初已發現商場一條地下水渠流出帶有臭味的污水，久未見有維修工程開展，認為對環境衞生造成嚴重影響，「嗰度流污糟水已經流咗好耐，啲車經過仲會將啲臭味同細菌帶得更遠，搞到附近愈嚟愈污糟！」
領匯發言人證實，上址有污水渠於五月十八日因井道淤塞及污水渠損壞出現滲漏，管理處已在兩日後進行維修損補工程，並於廿六日由清潔承辦商清理淤塞井道。
不過，當區區議員譚領律卻踢爆領匯的回應不盡不實，「其實好耐之前已經發現連接商場嘅污水渠流污水，但係領匯一直話睇圖則唔係屬於佢哋嘅，搞咗一輪先肯整！」譚指領匯雖要釐清地理位置，但不能以「龜速」方式翻查紀錄、拖延處理，令居民生活備受影響。