政情：范國威寸派錢難減上街意欲

政府日前忽然公布向市民派發六千元嘅詳情，除咗幫財爺鬍鬚曾喺「葛輝事件」醜聞上轉移視線外，相信最大原因係減少市民喺七‧一上街。不過，民間人權陣線召集人范國威就話，唔擔心派錢後上街人數會少咗，因為香港好多深層次矛盾仲未解決，呼籲大家「又食又拎」，七‧一袋住錢上街喎。據講今年七‧一遊行其中一個主題係要煲呔曾下台，睇嚟煲呔曾距離當年老董腳痛落台嘅命運不遠矣。