中環鏞記酒家客似雲來，老闆甘健成每日都要做生招牌喺酒家坐鎮，招呼賓客做到唔停手，所以午飯後嘅幾小時落場時間就成為甘老闆短暫充電嘅好時機。卓妮尋日行過鏞記位處嘅威靈頓街，離遠見到甘老闆沿德己立街行上蘭桂坊，最後入咗一間酒吧搵咗個角落坐低，歎番杯冰凍嘅生啤，離開時仲不斷講手機添。甘老闆話，條街好悶熱，所以歎番杯生啤解吓渴，順便思考吓，搵吓飲食嘅靈感喎！
（陳嘉順攝）
