本港樓價不斷狂升，即使係中產階層亦難以置業，港府尋日再公布兩項樓市措施，一方面加推土地供應，希望可以壓抑樓價，但另一方面金管局總裁陳德霖又透過收緊七百萬元以上樓宇嘅按揭成數，令市民置業更困難。其實依家香港好多中型單位已經超過七百萬，根本唔算係豪宅，買家亦只係中產市民，收緊按揭成數對佢哋造成影響，但對啲大把人民幣喺手嘅內地客卻毫無影響，真係唔知政府想點！
