食堂滴油擾民 食署漠視
抽油煙機變滴油機，途人無端中招！在觀塘工作的馬先生不時途經觀塘道，早前被食堂抽油煙機滴出油污滴中，「滴水都仲可以接受，但滴油真係好麻煩，好難洗得甩！」馬曾多次向食環署投訴，惜至今仍無下文，「投訴完都冇人覆，都唔知係咪真係會做嘢！」
食環署發言人指過去一年未曾接獲相關投訴，但證實有關食堂的廚房抽油煙裝置早前出現滴油情況，現已完成維修。該署早前再度派員巡查，發現油煙裝置操作正常，再沒滴油情況出現。
「食環署應該巡多啲，咁先可以及時避免問題，唔好吓吓淨係識補救！」觀塘區議會環境及衞生委員會副主席麥富寧認為，食環署應加強巡查食肆抽油煙設施，必要時更需檢控，以收阻嚇作用，避免對行人造成滋擾。