煲呔曾班子官員先後被揭發知法犯法僭建，就連煲呔曾都其身不正，試問當局執法拆僭建邊有說服力吖！
專業會議議員劉秀成尋日就喺會議上敦促發展局局長林鄭月娥做好公眾教育，林鄭以為得米，乘機讚自己做咗好多教育工作，點知畀議員李永達寸番轉頭，叫佢好好教育煲呔曾等一眾高官，搞到林鄭語塞。今次連外號「好打得」嘅林鄭都頂唔住，睇怕佢真係多得上司煲呔曾唔少囉！
