中環出更：陳曦齡無懼輻射赴日探妹
日本大地震及核輻射擴散影響深遠，雖然港人善忘，轉頭就血拼日本，但當地人仍生活於水深火熱之中。名醫陳曦齡都話掛住身在東京嘅歌星細妹陳美齡，暑假會勇闖當地，但日本出產嘅蜜瓜同蘋果，都係少食為妙。
寄糧水電池接濟美齡
陳醫生日前以女童軍總會名譽副會長身份出席頒獎禮，講起日本地震災禍後重建，佢都好關注。核洩漏發生後，陳醫生一度擔心細妹美齡無啖好食，吩咐弟弟宇齡不停寄樽裝水、餅乾及電池等物資到日本接濟美齡。近月災情漸穩定，佢都鬆一口氣，暫時唔使再寄嘞。
不過，陳醫生最錫細妹，暑假急不及待要飛去同細妹團聚。唔怕輻射咩？陳醫生就話唔驚得咁多，親情最重要喎。
但佢承認，近排少食咗日本嘢，以前經常幫襯日式超市買超甜蜜瓜及蘋果，依家都少買咗嘞。
卓妮