政情：謝曼怡葛輝關係似情侶？！

港府涉向「上網學習支援計劃」政治施壓風波愈揭愈臭，事件兩位主角前政府資訊科技總監葛輝同其上司商務及經濟發展局常秘謝曼怡相處不來已係公開事實。謝曼怡尋日喺特別會議上，仲踢爆葛輝周時反應過敏，話佢只要覆電話覆得遲啲，或者同葛輝副手傳遞個訊息，都足以令葛輝亂諗嘢喎。