尹小姐（學生）：「日日搭港鐵由九龍灣去九龍塘返學，用學生價一星期都係搭得三十幾蚊，根本享受唔到佢所謂嘅優惠，港鐵做得好表面，賺咁多錢都加價極唔合理。」
邵女士（主婦）：「基本上日日過海先可以攞到嗰個搭一百送一票嘅優惠，加上佢送張三十蚊單程票根本用唔盡，除非儲嚟搭東涌線或迪士尼線。」
蔡小姐（教師）：「所謂優惠根本係搞噱頭，多餘兼冇心幫市民，我由將軍澳搭去尖沙咀都好遠，但搭足五日都唔會夠一百蚊，加完價無幾耐又加價，加得好密。」
