香港嘅茶餐廳受歡迎，喺中環嘅翠華餐廳更加係名人飯堂咁滯，早兩日就見到孖仔唱作組合Soler去歎下午茶，見佢哋四點半喺翠華步出，一出嚟就火速登上喺門口等佢哋嘅座駕，雖然行色匆匆，不過見到卓妮都好有禮貌咁打招呼，見佢哋架車放滿樂器，相信歌迷好快又有好歌聽。
Soler音樂造詣唔錯，年前因為同經理人有合約糾紛，結果搞到要鬧上法庭，不過最終佢哋賠償畀舊經理人公司，令事件得到解決，依家佢哋可以重新向音樂出發，做自己想做嘅音樂，前排又啱啱上咗廣州做校園騷，相當忙碌。 （陳嘉順攝）
