中環出更：張宇人支持和食猛「放蚊」

回港未適應時差

短短一粒鐘嘅記者會，就見張宇人除咗不時用手機對外聯絡，久唔久就閉目養神兼打呵欠「放蚊」，更加要除低眼鏡用手巾仔抹吓塊面添，係輪到記者會尾聲佢要上台講兩句先至精神番啲，仲識搞氣氛話自己除咗食無乜嘢幫手添。

攰成咁，係咪呢排有乜事特別忙定瞓得唔好呀？張宇人就笑笑口話自己成日都好攰㗎啦，尤其是啱啱去外地公幹同代表立法會去美加職務訪問兩個禮拜，即係去美加視察海濱設施，仲未適應時差，加埋晏晝飯食得太多日本菜搞到飯氣攻心，所以先至一副殘樣現身記者會喎。