探射燈：拆家氹落疊：high嘢唔會上癮
毒品拆家為求散貨，宣揚「high嘢無事」的錯誤訊息，包括吸食大麻不易上癮、可卡因能夠解酒、K仔增強性能力等等。惟精神科醫生踢爆，有關講法全屬謬誤，奉勸藝人和年輕人切勿沾染毒品，否則賠上前途及健康，甚至性命！
不增性功能反致不育
本身是精神科醫生，也是禁毒常務委員會戒毒治療及康復小組委員會主席的張建良表示，毒品拆家吹噓K仔可增強性功能及減肥，「呢個係謬誤，事實是長期食K仔會導致男性不育，膀胱容量縮細，容易出現失禁。」大麻亦很易上癮，吸食後較易患哮喘、感冒、肺氣腫等呼吸道疾病，服食合成大麻素（K2）會導致情緒不穩、血壓上升、心跳加速及痙攣。
至於在娛樂圈毒海流傳，可卡因能夠解酒，張建良亦指這說法大錯特錯，「飲咗酒再食可卡因，其實係因為high咗提神，個人睇落冇咁『瘟燉』。」他警告，可卡因易上癮難戒甩，一般須幾個月至一年才戒掉，且毒性好強，可導致血壓上升，引發心臟病、中風，吸食者亦可能患抑鬱症及情緒病。