管理局傳訊及推廣行政總監陳家耀話，今次選定呢個新址，最主要原因都係交通夠方便，附近有港鐵之餘，離文化區亦好近，方便工作人員到時穿梭兩邊開會及工作。佢強調，今次選址跟足程序，由專業人士負責顧問報告，加上要通過招標才可以落實地點，相信唔會惹起爭議咁話。
搬得去甲級寫字樓，當然最想知道租金有幾貴，同簽咗幾耐約啦。陳家耀笑笑口話，呢啲都係合約嘅保密內容，所以唔方便公開，但由於去年已經開始同業主商討，所以租金肯定低過現時嘅租值，計落絕對唔會蝕底。
佢仲提到，其實最近西九文化區嘅應該係環球貿易廣場，但嗰度租金較高，所以剔除考慮之列。