中環耳目：陳細潔歎滬菜最愛小黃魚
美食與美女，總是相吸又相拒。為了不長脂肪，保良局總理「鯊魚女」陳細潔（Abbie）吃得嘴刁。佢愛吃上海菜，早前相約家姐劉陳小寶（Angel）及理大榮譽大學院士麥羅武（Louis），品嘗位於銅鑼灣嘅「上海綠楊邨」。
劉陳小寶怕東星斑
Abbie話，「椒鹽小黃魚」最得佢歡心。師傅先將魚去頭及肚，加入乾葱頭、紅椒及玫瑰露等材料醃六小時，然後將醃料取出，再將魚炸至外脆內嫩。Abbie食嘅時候加幾滴檸檬汁，吊出魚香味。
再來一味「葱燒花膠遼參」，花膠含豐富膠質，遼參不含膽固醇，夠滋補。Angel也注重食得養顏，但最怕東星斑，笑言飲宴吃得太多，睇見都驚。每朝喜歡飲杯鮮榨豆漿，加幾粒紅棗，面色紅潤有光。畫家Louis就係「孟嘗君」，喜愛食好嘢，更愛以食會友，一星期七天都喺外邊用餐，幾乎食遍全港著名食肆。
