可免則免 減少損失
香港電腦保安事故協調中心經理古煒德表示，今次索尼出事，公眾應認真考慮網上保安問題，「咁大間公司都畀黑客入侵到，依家內地、台灣咁多網絡遊戲，有啲公司（規模）細到名都未聽過，你如果向佢哋提供個人資料，真係要考慮清楚。」
他又謂，提交個人資料應以「可免則免」為原則，藉此減少發生事故造成的損失。「我唔可以教人喺網上用假身份，但現實係，如果咁做，就算黑客偷到資料亦無影響，大家要自己衡量。」
不少索尼機迷及網友憂慮個人資料可能落入黑客手中，熱愛PS3足球遊戲的周杰稱，對個人資料或被盜感到不安，「好彩我從來無喺PSN買嘢，不過遲啲肯定會收到垃圾電郵，同埋唔知啲資料會畀人點用。」