探射燈：休息日點計薪？逾半中小企未傾掂
配套設置以外，重訂合同，釐定清楚員工在休息日、病假及事假工資計算，為不少企業的當務之急，以便計算成本以及設定計算系統。可是，最低工資條例實施在即，仍有不少企業無法跟員工達成共識。中小型企業國際投資交流協會會長趙志雄促請政府，推出新指引界定休息日是否有薪，以減少爭拗。
「傾掂啲人工點計，先可以做其他嘢！但政府無明文規定假期工資點計，淨係叫我同員工傾，搞到依家都仲未傾掂！」中小型企業國際投資交流協會會長趙志雄稱，旗下約四百間會員公司中，少於一半能與僱員達成協議，「出口貿易公司仲好啲，但做飲食一間都無。」
餐飲業聯業協會會長黃家和說﹕「最低工資講咗成年，不嬲都計一個月二十六日，唔計休息日。大部分食肆都預早同員工講好，但依家突然話想休息日都有薪，搞到又要從頭傾過，到依家大部分會員仲未同員工傾好。」