自從中央政策組首席顧問劉兆佳月前指香港民怨已到達「臨界點」後，呢個詞語當堂成為抗爭潮語，無論預算案定最低工資嘅遊行集會，統統都見到佢，連醫護界都忍唔住借埋嚟用。香港護士協會尋日發表嘅調查話，公立醫院護士嘅壓力指數就嚟爆煲，搞到唔少人轉職私院，人手流失問題已經到達臨界點，希望港府正視。
「臨界點」畀佳叔開創咗新用法，佢政府裏面嘅同僚，真係多得佢唔少。
