85號班次失準九巴死撐
巴士脫班無日無之，九巴仍「死撐」冇問題！張小姐經常於沙田帝都酒店站等待85號線，但自今年二月中起，即發現上述巴士經常失準，不時需等上近半句鐘才有車到站，「個站牌寫明每隔十七至十八分鐘就有一班，點解可以遲咁多？」張曾多次向九巴反映問題，惟指每次均以「車長缺勤」或「壞車」等理由回覆。
九巴發言人表示，85號巴士平日的班次為十至十八分鐘，假日班次則為十一至十六分鐘。發言人又稱，根據紀錄，上述巴士的班次大致正常，惟服務偶爾會受沿途交通及上落客情況影響。
「不停都有市民投訴九巴班次失準，九巴可唔可以正視吓？」沙田區區議員衞慶祥直斥九巴漠視班次失準問題，又未有從根源着手解決失準問題，促盡快實行改善計劃。