中環出更：博愛就職晚宴 官商名人撐場

博愛醫院新一屆董事局尋日喺洲際酒店舉行就職典禮及晚宴，新任主席湯修齊（Henry）正式接下前主席黃帆風嘅火棒，一眾高官及城中名人齊撐場。Henry新人上場，躊躇滿志，佢瞓身拉攏老友入局，令到今屆董事局人數多達卅四人，仲動員大家捐出政府即將派發嘅六千蚊，為佢發起嘅「長者夢想成真計劃」籌款添！
白韞六（左）曾經為博愛獻唱籌款，冧莊嘅博愛總理李鋈發（右）梗要悉心招呼。 （溫國佳攝）
白韞六（左）曾經為博愛獻唱籌款，冧莊嘅博愛總理李鋈發（右）梗要悉心招呼。 （溫國佳攝）

Henry話，呢個計劃目的係幫長者完成金錢買唔到嘅夢想，例如同阿姐汪明荃一齊唱歌，佢希望喚起社會對長者嘅關注。佢又部署暑假舉辦別開生面嘅打機籌款活動，同任天堂合作搞個打wii比賽，到時佢都會落場比賽㗎！尋晚佢又粉墨登場獨唱Mr.嘅《感動》，又同囝囝Harris合唱兩首串燒歌，成個晚宴共籌到逾八十萬元。

阿仔做慈善 湯偉奇無限支持

尋日現身撐場嘅政商名人多到數唔晒，包括教育局副局長陳維安、安老事務委員會主席梁智鴻、退休冇耐嘅前入境處處長白韞六、做過博愛主席嘅愛沙尼亞共和國駐港名譽領事林建康、保良局主席龐盧淑燕、仁愛堂主席蔡黃玲玲等。湯家亦扶老攜幼撐場，Henry爸爸圓玄學院主席湯偉奇同太太齊現身，湯偉奇讚囝囝好叻，對佢做慈善無限支持。

梁智鴻（左二）頒獎畀去年籌款王湯修齊（右二），左一為卸任主席黃帆風、右一為副主席陳李妮。
  • 梁智鴻（左二）頒獎畀去年籌款王湯修齊（右二），左一為卸任主席黃帆風、右一為副主席陳李妮。
今屆博愛董事局陣容鼎盛，鄧慶治（左）及彭少衍兩位總理齊撐場。
  • 今屆博愛董事局陣容鼎盛，鄧慶治（左）及彭少衍兩位總理齊撐場。
湯偉奇伉儷（右一、二）現身力撐孻仔湯修齊（左二）做博愛主席，左一為湯修齊太太Yvonne。
  • 湯偉奇伉儷（右一、二）現身力撐孻仔湯修齊（左二）做博愛主席，左一為湯修齊太太Yvonne。

今屆由總理升呢做副主席嘅前亞姐冠軍李妮（Lily），尋日廣派「陳李妮」嘅新卡片。Lily甜絲絲咁話，呢個係老公對佢認真做慈善嘅獎勵，所以尋日面對不斷嘅恭喜聲，佢笑言好似恭喜佢結婚，好有新婚嘅感覺。

Henry嘅太太Yvonne由朝到晚同老公打氣，嚟緊一年Henry會有排忙，卓妮問佢點樣支持老公，佢笑稱：「少啲投訴就係最大嘅支持。」咦？呢句說話有啲耳熟喎！日前仁濟醫院新任主席李文斌上任時，李太Amanda都話要少啲同老公駁嘴，當係支持。

卓妮

Money18免費即秒股票報價網站現推出8升級功能，財經資訊，實時實發！