中環出更：董中浩煲靚湯滋潤愛妻
剛卸任仁濟醫院主席嘅帝皇翡翠行政總裁董吳玲玲，無論幾時都容光煥發，佢曾自爆有老公牌靚湯水滋潤，令佢保持靚靚狀態。卓妮早前見到董吳玲玲老公明彩集團主席董中浩，董生笑稱，服侍太太嘅湯水多數係家傭煲嘅，但佢間唔中親自落廚，拿手靚湯係雪梨、蘋果煲豬骨湯。
董生教路，用一斤半嘅湯料加一斤水，煲成一斤湯水，咁就無論煲咩老火湯都夠晒靚喇！原來董生係上海人，所以好享受親自入廚，董太話，老公煮嘢好好食，所以佢想唔肥都幾難喎。
探愛駒減壓享天倫
董生除咗廚藝了得外，做馬主都一樣咁叻，近期經常同董太一齊拉頭馬。不過，董生話養馬唔係志在贏錢，目的只為減壓，假日仲會帶孫仔去探愛駒，餵食方糖及紅蘿蔔，度過一個溫馨家庭日。