【本報訊】戴思聰為捍衞聲譽狀告《壹週刊》誹謗，可惜未等及案件開審便鬱鬱而終，被告一方更因此而獲「放生」，身為女兒的戴辛尉直言感到很無奈，她說：「爸爸突然走咗，我哋都好被動……自己信佛，惟有一切隨緣。（覺得唔抵？）冇辦法，要再同律師開會商量。」
對於律師透露父親備受誹謗困擾而患上抑鬱，戴辛尉不吐不快：「爸爸抑鬱咗幾年，不斷睇醫生、食藥，呢個係其中一個構成佢身體差嘅原因，佢本身好樂觀，做每件事都好有衝勁，仲勁過後生仔，但自從嗰件事（被指為樂壇吸血鬼）後，佢受咗好大打擊，做嘢冇晒信心，變咗另一個人，好少講嘢，個人變得好困惑，又瞓唔到覺。」
戴辛尉透露父親病情很嚴重：「醫生話要食抗抑鬱藥同安眠藥，啲藥又有副作用，搞到佢成日想嘔，冇晒精神……！唔開心又唔出聲，長年累月打擊，精神狀態好差。」
畢生獻身於歌唱事業的戴思聰，生前桃李滿門，曾培育不少天王天后，梅艷芳、王菲、黎明等都是其高足。戴於六十年代初從內地來港，曾於邵氏任幕後代唱，後到日本留學鑽研音樂。八十年代初，他首位徒弟張明敏憑一曲《我是中國人》走紅，令戴聲名大噪，後愈來愈多人拜他為師，他們在樂壇頒獎禮上均公開向戴思聰致謝，部分歌手更尊稱他「老竇」、「爸爸」。
去年戴思聰臨終時，妻子、兩名女兒戴蘊慧和戴辛尉，以及曾跟他學唱歌的林文龍一直陪伴在側。一眾徒弟亦趕往醫院冀見恩師最後一面。