楊女士（家庭主婦）「如果政府經滙豐、中銀嗰幾間銀行派錢，到時一定會影響原本嗰幾間銀行嘅客戶服務，分分鐘原有嘅櫃位撥咗去派錢，搞到普通服務大排長龍，當局應該再詳細考慮多啲，睇吓點樣分流先影響最小。」（霍振鋒攝）
李小姐（學生）「政府應該一次過畀晒所有合資格人士攞六千蚊，唔使有啲人拎先，有人啲人拎後。唔使經銀行拎最好，不過政府未必有部門可以處理到，無理由將啲現金擺喺民政處，辦事處冇夾萬，擺咗都覺得唔安全。」
