剪辮染髮：「風雲」變色

原審時爆出陳振聰一直收藏龔如心的招牌孖辮，令全港市民嘩然，更有指陳處心積慮將有關「信物」保存等待「用武之日」、行為惡心。陳振聰輕描淡寫說，剪辮是他的主意，但收起孖辮是龔如心的意思。他說，由於小甜甜希望外貌看來較年輕，所以早年喜梳孖辮，「我話梳條辮會唔會細個得滯呀？不過你鍾意個人風格都得，當時我都係半同意，好擔心會唔會有啲人話唔好睇。」他說，小甜甜不會理會別人看法，堅持孖辮形象，後來因為甩髮嚴重，加上頭髮長期束起令她頭痛復發，才決定將辮子剪掉，「當時同電影『風雲』有關，我見郭富城染個藍色頭髮幾型，同佢講咁整都幾型喎。」小甜甜就聽他的話親手把辮剪掉，再將頭髮剪短染藍（圖），陳當時還笑說：「剪咗條辮成熟啲咪好囉，你係大公司老闆，唔可以彈吓彈吓咁㗎！」他說，當時龔如心提議將孖辮平分「一人一條」，「我收喺書房，佢過咗身我先擺入盒度，本來想如果知道佢擺喺邊度去拜佢時畀番條辮佢啦，但係到依家都無機會。」