政情：李嘉誠捐4000萬支持寧養服務
李嘉誠基金會再次透過「香港仁 愛香港」，第二次捐款四千萬元，聯同醫院管理局提供嘅配套基金，進一步拓展香港寧養服務「人間有情」計劃至二○一三年，基金會預期喺未來三年，計劃將服務近一萬二千名基層癌症病人，透過十間公立醫院，提供嘅服務總量將增至十六萬人次。
啟動一站式資訊網站
今次係基金會第二次捐款，首次係○七年至一○年，當時獲提供服務的癌症病人總量達十三萬人次。基金會主席李嘉誠說：「世界不屬於麻木不仁嘅人。」李嘉誠特別感激提供寧養服務嘅人，讚揚佢哋令不幸嘅患者可以依傍着關懷嘅臂彎走畢人生旅程，同時讓患者疲憊嘅家人得到慰藉，李超人仲話，佢哋嘅愛心為患者照亮出一道美麗嘅最後風景。
基金會將同步啟動一站式嘅寧養服務資訊網站「寧舍」（www.hospicehome.hk），透過科技集結公益和社區觸覺力量，讓更多熱心社會嘅「仁士」可以支持同關懷病人及家屬，提供更全面嘅支援服務。