中環出更：彭徐美雲戴頭箍乾淨利落
咪睇香港女童軍總會候任香港總監彭徐美雲（Josephine）嬌小貴氣，卓妮日前同佢傾開政經話題，佢份爽朗幹練嘅氣質自然流露，同佢鍾意用頭箍將髮絲收拾到一絲不苟嘅個人風格，配搭到極。
製衣銷日受影響
卓妮喺一個酒會見到Josephine，講起近排遭遇大災難嘅日本，佢感同身受，事關佢喺內地開設嘅長運製衣公司，產品有一半外銷去日本，所以見到日本面臨世紀災難，佢嘅心情都受到些少影響，好彩生意方面仲如常運作。
Josephine係商界女強人，佢又身兼工商專業協進會副主席、國際婦女會主席等職務，公務繁多，所以唔可以花太多時間扮靚。十幾年前，佢試過用頭箍之後，自此便愛上這種乾淨利落嘅打扮，當日佢戴咗名貴法國髮飾品牌Alexandre de Paris嘅閃爆頭箍，更顯得含蓄高貴。佢笑稱，屋企仲有好多唔同顏色，清一色係Alexandre出品。
Alexandre走高檔路線，髮飾售價動輒過萬元。品牌創辦人Alexandre曾係唔少名人嘅專業髮型顧問，包括溫莎公爵夫人、影星蘇菲亞羅蘭等，享譽國際時尚界。
卓妮