中環出更：范太歎拉麵無懼核污染
多款日本食品受輻射污染，令人聞之色變。港人至愛嘅日本菜，首當其衝受影響。不過全國人大常委范徐麗泰就話唔驚，照樣去超市買日本拉麵。
范太愛日本菜有原因嘅，佢最怕肥膩菜式，少油兼味道清淡嘅日本菜就啱晒佢。范太尋日出席一個電視台活動，靜雞雞話畀卓妮知，非常愛吃魚生，但輻射陰影下，都係少食為妙。不過，佢有信心來自日本嘅拉麵，應該冇受污染，又點捨得唔食呢？
陳永棋話照擦福島食品
全國政協常委陳永棋都拍心口話未驚過，佢話就算來自核洩漏重災區福島縣嘅食品都會照食。佢近排如常去日本餐廳品嘗魚生，滋味無窮。咁大膽，唔通唔怕健康受損？棋哥話，佢心中有數，即使食用問題食品，吃足一年，超標指數亦好輕微，叫大家毋須太緊張喎。
卓妮