政情：撥款觸礁傻強唔認傻

立法會上周歷史性否決臨時撥款議案，唔少人都批評財經事務及庫務局局長陳家強喺明知唔夠票下，都唔主動撤回議案，先搞成今日嘅局面，證明咗佢係傻強。傻強尋日撰寫網誌，話唔將議案撤回係想畀議員按自己判斷投票，等佢哋自行向選民負責喎。其實喺議案被否決一刻，傻強發晒呆，好似冇諗過議案會被否決，依家事後又扮到好心水清，真係信佢至奇。