政情：黃百鳴投車牌唔夠人揮
電影人黃百鳴同千金黃漪鈞父女情深，競投車牌都上陣不離父女兵，尋日運輸署舉行傳統車牌拍賣，佢哋兩父女都睇中兩個「PM」字頭車牌，不過就因為唔捨得用近廿萬元競投「PM 1」，最終以平好多嘅價錢，投得「PM 618」。
「PM 1」底價六萬蚊，有另一男士志在必得，要同佢哋拗手瓜，當激烈叫價至十一萬元時，每口叫價增至一萬元，最終車牌以十九萬元被人承投咗，黃老闆退而求其次，以一萬六千元投得另一個車牌「PM 618」。
黃老闆話尋日係特登帶埋乖女一齊嚟競投「PM」字頭車牌，仲打算將車牌放喺公司車用，依家只係投得一個佢都無咩所謂，因為佢原本都預咗超過廿萬就唔投，依家投到『618』即係陸續實發，都唔錯喎。