【本報訊】東鐵一個月內連續兩宗嚴重事故，議員猛轟，網民鬧爆。立法會交通事務委員會委員陳淑莊，形容今次事故「真係好大鑊」，質疑港鐵收車後的保養維修及檢查工作馬虎，且影響範圍愈來愈廣，令市民大失信心。她又批評當局監管欠認真，促港鐵盡快提交報告交代事件。
有受影響的網民朱小姐，事後在微博上留言怒斥：「港鐵又故障，電都冇，我對港鐵好冇信心……我好趕時間呀，我討厭港鐵！」有市民從紅磡前往上水，耗時竟需一句鐘，炮轟港鐵阻礙時間「冇鬼用」。
今次事故相信因列車供電系統故障引致，據工程師學會前會長梁廣灝解釋，東鐵使用二萬五千伏特高壓交流電，相信供電系統將電壓由高轉低的過程期間，或者將交流電轉為直流電時出現故障，自動保護系統發揮作用令電纜跳掣，是屬於正常故障。又由於供電系統被高壓電流通過時「燒咗」，自然會出現冒煙情況。
梁表示，列車僅一個供電系統出事，其餘系統無礙仍可使用，因此，只要將出事系統的集電弓放下，其餘集電弓即可發揮正常功能，令列車開動駛埋站，或駛返車廠維修。