網民轟苦肉計 為庸官開脫

【本報訊】港府及建制派企圖將否決臨時撥款的責任全部歸咎泛民主派,批評對方不負責任及不顧市民福祉,但不少致電電台的市民看法卻大相逕庭,炮轟港府自取其咎,狠批曾蔭權及財政司司長曾俊華「愚民」,以人頭打賭港府一定不會如他們所言癱瘓運作,有網民更質疑整件事是政府轉移公眾視線的「苦肉計」,或因官員大意失職後才藉詞卸責。

港府財政史無前例被封鎖,市民昨日紛紛致電電台表示關注。陳先生認為今次事件是港府自取其咎:「你作為財政司司長,呢啲嘢梗係要自己數夠票先放上枱㗎啦,明明佢哋已經嘈緊,自己唔小心,仲以為過梗!」胡先生亦認為,港府不應將責任歸咎於議員身上:「你交上立法會前應做好所有準備工夫,點解議員一定要畀你通過?咁要議員嚟做乜?」

嘲癱瘓政府說法愚民

周先生指泛民「做得啱」:「今次至少畀港府知道唔可以當人冇到,唔聽民意入耳,以為自己高高在上,可以自把自為,犧牲市民利益!」張小姐更批評雙曾齊指否決撥款會「癱瘓政府」的說法愚弄市民:「我人頭落地擔保,佢哋一定唔會冇糧出!」

多名網民亦認為臨時撥款被否決主要責在政府。對於財經事務及庫務局局長陳家強指議員有責任通過撥款,網民「天江衣」反駁:「有責任通過,即係話投票只係做騷?」另一網民亦指:「無理由話通過係議員嘅責任,游說議員通過係政府嘅責任!」網民「jolo」表示:「泛民一早放晒風會唔支持,(政府)有咩理由數唔到票?雖然我下次都唔投泛民,但依家好似有人(政府)衰咗,反而入人(泛民)數。」

不過,部分電台聽眾及網民亦質疑泛民做法過火,即使認同其爭取目標,亦不應以否決臨時撥款作手段,以免影響市民正常生活。有網民更於facebook成立多個群組聲討泛民,但全部只有數十人「讚好」。

Money18新功能「18好路數」為你預測心水股票升跌機會率