新移民苦況 「點解我哋冇六千蚊？」
張太（新移民）：「佢話之後用關愛基金協助我哋，之後我畀個皇帝佢做，垃圾預算案，根本就帶頭歧視我哋，我移居香港三年，個女三歲，係香港人，響香港消費，移居外國嘅都有六千蚊，富豪又有六千蚊，點解我哋冇呀，唔係歧視係咩，曾俊華落台！」
裝修工養妻兒壓力沉重
蘇太育有兩名十多歲子女，三年前來港與丈夫團聚。因要照顧家庭而無法外出工作，一家四口靠從事裝修工作的丈夫供養，生活開支大而非常吃力，她認為今次開倉派錢就沒有新移民分兒，是政府帶頭歧視新移民，「澳門派錢，新移民都有少少，香港新移民同小朋友就冇，小朋友都要抗通脹，補習費貴，教育開支都好大，政府依家擺明歧視新移民。」
套房四口家冇枱做功課
蘇女士的丈夫與子女三年前來港，子女全在上學。她與丈夫分別任職侍應及保安，兩人合共月入一萬三千元。她嘆說長女讀高級文憑，學費貴，負擔沉重，一家四口居於荃灣一間套房，地方狹窄，連子女做功課的地方也沒有︰「我同先生一日做十幾個鐘，政府派六千蚊，新移民就冇係唔公平，咩都冇啦！雖然六千蚊一個月嘅使費都唔夠，但呢個唔係錢幾多嘅問題，係唔公平嘛。」她認為政府應推出扶貧政策惠及新移民及增建公屋。
