政情：湯彥麟硬銷6000蚊旅行
財爺鬍鬚曾「跪低」人人派六千元，已辭職準備另謀高就嘅國泰航空行政總裁湯彥麟（Tony），臨走前都不忘為國泰賣力硬銷。尋日Tony親自簡介國泰推出的多項優惠，講到政府大派六千元，Tony就好醒目教市民點使，話最好當然係即刻登上國泰網頁訂特惠機票，成家人一齊外遊玩餐飽喎！
至於Tony會點用六千蚊，佢話今個月三十日係其任職國泰最後一天，會好快離開香港到外國出任國際航空運輸協會理事長一職，可能都未必等到收錢喎，但如果有幸收到，都會捐咗佢做善事。Tony尋日又展示印上香港動力飛行百周年特別紀念標誌的747國泰航機模型，佢相當鍾意，仲拉埋四名美女空姐，同架模型飛機一齊留下喺國泰嘅美麗一刻。