婦女團體（同根社）：只向本港永久居民派錢，是打壓及分化中港婚姻婦女，財爺不負責任，要落台。
青年團體（青年聯社）：派六千元是侮辱的做法，等同掩口費，叫人唔好上街遊行，分化十八歲以上及以下青年人。
宗教團體（天主教勞工事務委員會）：財案是對人性尊嚴的踐踏，由冇改善空間到大幅度改變是兒戲，沒有關心基層。
勞工團體（職工盟）：財案派六千元只是小恩小惠，唔夠一、兩個月使晒，問題會再返嚟。
基層團體（基層發展中心）：根本冇心幫市民，推新方案係受壓下的做法，亦冇肯定新來港人士的勞動價值。
民主黨何俊仁：要行出嚟，話畀曾俊華聽我哋唔收貨，話畀佢聽，我哋要長遠規劃、要有關懷嘅預算案。
公民黨梁家傑：預算案四日內被推翻，好似玩泥沙咁，曾俊華仲有乜治港理念？佢唔交代就叫佢問責下台。
公民起動何秀蘭：預算案雖然超光速跪低，但沒有長遠嘅扶貧措施，大家要帶埋道具出嚟，一齊怒吼預算案！
職工盟李卓人：曾俊華一夜間由孤寒財主變成敗家仔，大家要同佢講，我哋唔要掩口費，唔要一個咁嘅財爺。
人民力量陳偉業：新移民、十八歲以下嘅人未受惠派錢，煙民對加煙稅又好嬲，任何感到憤怒嘅市民星期日都應該出嚟！