前高官齊唱衰最廢預算案

市民無法分享經濟成果

正於北京出席全國政協會議的何志平，暗踩預算案諮詢不足，最終被大幅修改，他語帶譏諷地說：「我咁大個仔都未見過預算案要修改！」曾任五年問責局長的他續稱，經此一役，預算案諮詢將會形同虛設，日後預算案要凝聚社會共識，勢必更加困難：「以後大家對諮詢唔會認真，到出嚟之後先至同你鬥過，呢個係新文化嘅開始。」

同樣身處北京的藍鴻震亦表示，若有機會會向國家領導人如實反映香港實際情況：「民怨，我知道有，相信大家在報紙上都睇到。」他認為市民無法分享經濟成果，是民怨爆發根源之一：「香港的確有人唔開心，喺經濟進步中得唔到應該有嘅，甚至覺得遠遠落後咗。」

現為平等機會委員會主席的林煥光昨日出席一公開活動時，指平機會收到不少新移民來電，質疑為何不獲派六千元，但由於歧視法不包括新移民歧視而無法處理。他質疑預算案多項措施至今仍謎團重重，讓人難以掌握政府的理念：「派錢目的係乜？係藏富於民、定係還富於民？平機會角度係如果有盈餘，應該優先用喺弱勢社群，如果決定通派，亦希望公平一啲，即使非永久居民，如果對香港有貢獻嘅亦應該得益。」

藍鴻震：香港的確有人唔開心。

林煥光：如果有盈餘，應該優先用喺弱勢社群。