禁區違泊猖獗 取締不力
旺角區內違泊觸目皆是，阻塞交通不容忽視！梁先生指花園街街市旁之通菜街雖已豎立禁區牌，惟不少司機仍視若無睹「照泊可也」，「有時仲有成七、八架車泊喺度，完全當個牌冇到！」
警方發言人承認曾接獲有關上址車輛違泊之投訴，並指上址屬「黃影線區」，司機若於線區內停車等候即會被檢控，事前不會獲發警告。根據警方紀錄，曾於兩星期內於上址發出二十二張定額罰款通知書。
「旺角咁旺，一、兩架違泊足以阻塞成條街嘅交通！」油尖旺區議會交通運輸委員會委員黃舒明稱，區內違泊猖獗，更有不少「慣性違泊」嚴重阻塞交通，「喺旺角違例泊車已成為司機嘅一種壞習慣」，即使豎立禁區告示亦未能收警告之效。黃坦言，要改善區內違泊「唔係一朝一日嘅事」，呼籲警方積極疏導區內交通。