工資上漲 食材價升
不過，最低工資搞掂，但陳老闆話飲食業界又要面臨通脹下嘅加價壓力，預告大家樂都要檢討係咪要加價喎。
陳老闆話，飲食業界目前仍然面對兩大挑戰，包括工資上漲及食材價格暴升。
佢話由於天氣異常引起全球性通脹，無論美國雞蛋、巴西豬肉或是新西蘭魚柳，都興起一股加價潮，好彩大家樂早已實行全球採購，可以減輕加價壓力。
普羅市民深受通脹之苦，相信最關心係大家樂食品嚟緊仲要加幾多錢，佢話依家好難講，佢哋會每三個月檢討一次，睇吓使唔使加價。
不過，陳老闆話，除咗加價之外，大家樂都會喺餐單配搭多元化方面着手，令到食客多啲選擇喎。唔知咁講意思係咪貴有貴食，平有平食呢？