診所輪候區 准吸煙離譜
《吸煙（公眾衞生）條例》生效後，法定禁止吸煙區定義備受爭議。其中屯門診所門外的有蓋範圍因列非禁煙區，令病人怨聲載道。張先生指出，毗連屯門診所門外的長椅輪候區設有上蓋及屏風，但常有煙民聚集吞雲吐霧，「病人出出入入就要吸晒啲二手煙，真係好難頂，診所範圍內唔係禁煙區咩？」
衞生署控煙辦公室發言人稱，根據《吸煙（公眾衞生）條例》，診所外放置長椅輪候區域並不屬於法定禁止吸煙區。控煙辦公室已再提醒屯門診所管理人增加保安員巡察次數，減低二手煙對員工及使用診所人士影響。
「嗰度仲有美沙酮診所，成日都有人喺度食煙，搞到烏煙瘴氣，好多婦女經過都提心吊膽！」當區區議員古漢強認為，屯門診所是供病人求醫覆診之地，應該保持空氣清新，事件正反映現有法例下吸煙區定義不足之處，要求當局將診所所有範圍劃為非吸煙區。