趕返學姊捱車撞妹受驚
【本報訊】同讀一間中學的姊妹花，昨晨疑「瞓過龍」，匆忙截乘的士趕返學，詎料姊姊橫過馬路時，遭爬頭七人房車撞倒，頭部及嘴唇受傷。
受傷女生姓彭（十六歲），與妹妹及父母同住荃灣區，兩姊妹同於區內一間中學就讀。昨晨七時許，彭氏姊妹懷疑「瞓過龍」，兩人匆匆梳洗後出門上學。由於時近八時上課時間，兩姊妹決定乘的士趕回校。
七人車爬頭肇禍
兩人站在國瑞路大窩口港鐵站對開兩邊分頭截的士，最終在往荃灣方向的彭妹截獲的士，立刻呼叫對面的姊姊過來上車。當彭姊從一輛客貨車尾橫過馬路時，不防對面線一輛七人房車，因見彭妹所截的士停在路邊等候，於是越線爬頭，詎料卻將彭姊撞跌倒地，她頭和嘴唇受傷流血，的士司機見狀報警。
彭妹見姊姊受傷大驚，通知父親到場陪她送院敷治，她因擔心姊姊傷勢，無心上學，由母親代為向學校請假，回家休息。肇事姓陳（四十六歲）七人車司機對事件深感歉意，稱因盲點導致事故，說：「撞倒人係我唔啱，告我唔緊要，最緊要小妹妹冇事」。